Оюу Толгой ХХК нь Өгөөмөр Гавилууд ХХК-тэй сүүлийн 2 жил гаруй хугацаанд ажиллах хүч нийлүүлэх гэрээ байгуулан ажиллаж байна. Энэ хугацаанд манай шаардлага хангасан орон нутгийн ур чадвартай иргэдийг олж ажлын байраар хангах чиглэлээр тус компанийн хамт олон өндөр идэвх, санаачилга гарган ажилласны дүнд орон нутгийн олон иргэдийг ажлын байраар хангаад байна. Мөн гэрээний харилцаатай холбоотой бусад асуудлаар мэргэжлийн ёс зүй, идэвх зүтгэл гарган ажиллаж, хэрэглэгчээс тавьсан аливаа хүсэлтэнд түргэн шуурхай хариу өгч шийдвэрлэдэгт нь бид баяртай байдаг.

Ханбогд сумын Өгөөмөр Гавилууд ХХК-тай бизнесийн түншээр хамтран ажиллаж байгаадаа баяртай байна. Түншлэлийн сайн арга барил, хамтын ажиллагааны хүрээнд 2017 онд Өмнөговийн бүсэд бидний хэрэгцээнд нийцсэн тохиромжтой барилга байгууламж барихаар тохиролцсон. Энэ нь манай компани тухайн нутаг дэвсгэрт бүрэн байр сууриа олж, үйлчлүүлэгчдэдээ хамгийн сайн үйлчилгээ үзүүлэх боломжийг олгосон юм. Бүс нутгийн хувьд бидний хувьд анхны бүтээн байгуулалт байсан боловч сүүлчийнх биш юм. Бид өргөтгөл хийхээр төлөвлөж байгаа бөгөөд Өгөөмөр Гавилууд компанийн дэмжлэгтэйгээр олон жилийн турш бизнесийн үр дүнтэй харилцаагаа үргэлжлүүлнэ гэж найд

Уул уурхай, барилгын салбарт тоног төхөөрөмж, баталгаат сэлбэг хэрэгсэл, үйлчилгээ, техникийн шийдлүүдийг нийлүүлдэг дэлхийд тэргүүлэгч компани юм. Бид Өмнөговь аймгийн Ханбогд суманд салбар нэгжтэй бөгөөд тус салбарын катеринг үйлчилгээг орон нутгийн Өгөөмөр Гавилууд ХХК-иас авдаг. Ээлжийн зохицуулалтаар байрлан ажилладаг ажилтнуудад гэртээ байгаа мэт тав тухтай чанартай хоол үйлдвэрлэл, цэвэрлэгээ, угаалгын мэргэжлийн үйлчилгээ үзүүлдэг тус компанийн хамт олны үйлчилгээнд бид сэтгэл хангалуун байдаг. Цаашид урт удаан хугацаанд хамтран ажиллана гэдэгтээ итгэлтэй байна.

Би Оюу Толгойд 2010 оны 02 сараас анхны ажлын гараагаа эхэлсэн. Олон төсөл дээр ажиллаж байсан ч ил уурхайн Комацу-930 гэдэг энэ том дампны оператор болоод жолоодож үзэх юмсан гэж боддог байсан. 9 жил бодож явсны эцэст 2019 оны 01 сард Өгөөмөр Гавилууд ХХК-д Хүнд машин механизмын оператороор ажилд орж миний мөрөөдөл биелсэн. Анх дампанд суугаад явж байхад өөртөө нэг л итгэж өгөхгүй яг л зүүд юм шиг санагдаж байсан. Компанийн удирдлага болон захиргааны ажилчид мөн хамт ажиллаж, Монголын ирээдүйг бүтээлцэж мөр зэрэгцэн ажиллаж яваа компанийхаа бүх ажилчид та бүхэндээ бүгдэд нь баярлаж талархаж явдаг. Та бүхэндээ цаашдын ажилд нь АМЖИЛТ хүсье.

Өгөөмөр Гавилууд ХХК-д Оюу толгой төслийн талбайд баяжуулах үйлдвэрийн ахлах ажилтнаар ажиллаж байна. Манай гэр бүлийн хүн маань анх 2015 онд Ханбогд сумын 1-р сургуулийн дуу хөгжмийн багшаар ажилд орж шилжиж ирснээр миний бие 2017 онд тус байгууллагад бичиг хэргийн ажилтнаар анх ажлын гараагаа эхэлж байлаа. Энэ сайхан үр өгөөжтэй компанидаа ажиллаад 5 жил болсон байна. Намайг анх ажилд ороход нийт 35 ажилтантай үйл ажиллагаа маань ид өргөжиж дараа дараагийн төсөл хөтөлбөрүүд нь хэрэгжиж эхлэж байсан. Өдгөө манай компани нийт 100 гаруй ажилтантай өнөр өтгөн гэр бүл болсон БАЯРТАЙ байна.

Би 2019 оны 4 сараас компанидаа механик засварчинаар ажилд орж байлаа. Өгөөмөр гавилууд ХХК-д ажиллаж эхэлснээс хойш миний анзаарсан зүйл бол ажилчдын нийгмийн асуудал, ажиллах урам зориг эрч хүч, олон талт мэдлэгийг олгох тал дээр анхаарлаа хандуулж ажилчдад зориулсан үйл ажиллагаануудыг зохион байгуулдаг. Манай компаний хувьд хүний нөөц бүрдүүлэлтийн компани учир бүх ажилчид нь өөр өөр хэлтэст ажилладаг нэгнийгээ таних нь тун ховор байдаг яг л энэ зүйлийг анзаарч ажилчдынхаа дунд таван төрөлт спорт өдөрлөгийг хоёр хоногийн хугацаанд зохион байгуулж бүх ажилчидаа нэгтгэж чадсанд нь талархалтай ханддаг мөн БАЯРЛАЛАА гэж хэлмээр байна.